სოფიო გოგოხია
ქართული ენისა და ლიტერატურის მასწავლებელი
აფხაზეთის N10 საჯარო სკოლა
სოფიო გოგოხია ქართული ენისა და ლიტერატურის მასწავლებელია სსიპ აფხაზეთის N10 საჯარო სკოლაში. მისი საქმიანობის საუკეთესო მხარე არის ის, რომ მოსწავლეები ყოველთვის გრძნობენ საჭირო დროს დახმარებისთვის მზაობას, მასში ხედავენ ადამიანს, რომელიც ცდილობს, მათ გვერდით იყოს როცა ბედნიერები არიან და განსაკუთრებით მაშინ, როცა უმძიმთ. მოსწავლეებისათვის ის არის ადამიანი, რომელიც უზიარებთ ცოდნასა და გამოცდილებას, ასევე სწავლობს მათგან და ამას ყოველთვის სიყვარულით აკეთებს. მიიჩნევს, რომ სიყვარულის გაზიარების, გაცემისა და მიღების სიხარული მასწავლებლობას ხილულ სასწაულად აქცევს.
ამ პროექტით ისარგებლებს 20 მოსწავლე
შესაგროვებელი
660 ₾
შეგროვდა
660 ₾
პროექტის შესახებ
განახლებები & სპონსორები
პროექტის შესახებ
პროექტის მიზანი
მოსწავლეებში მუსიკალური კულტურის ხელშეწყობა. მუსიკალური კლუბის „მუსინექციის“ აღჭურვა მუსიკალური საკრავებით, კერძოდ, გიტარებით და ბენდის შექმნა. საბოლოოდ, მუსიკალური კლუბის მიზანი არის მეტად დაახლოება მუსიკასთან, სტრესული გარემოსგან გათავისუფლება, რაც მოტივაციასაც ამაღლებს და აკადემიურ მოსწრებაზეც დადებითად მოქმედებს. რათა მეტი კონტაქტი ჰქონდეთ მუსიკასთან, აუცილებელია საკრავების ქონა, რომელთა შეძენაც ხელს შეუწყობს კლუბის მუშაობას.
პროექტის აღწერა
არაფორმალური განათლება დღითიდღე მეტ მნიშვნელობას და დატვირთვას იძენს თანამედროვე განათლების სფეროში, ამას ადასტურებს მრავალი კვლევა განათლების მეცნიერებაში. შესაბამისად, ფხაზეთის N10 საჯარო სკოლაში წლებია არსებობს კლუბთა გაერთიანება, რომელიც რამდენიმე კლუბს აერთიანებს. კლუბებში უფასო მომსახურებას იღებს სხვადასხვა საფეხურის (დაწყებითი, საბაზო, საშუალო) 150-მდე მოსწავლე არა მხოლოდ აღნიშნული, არამედ სხვადასხვა სკოლიდან, რაც ამ გაერთიანების განსაკუთრებული მიღწევაა. კლუბთა გაერთიანების მიზანია ჯგუფური და გუნდური მუშაობის უნარების ხელშეწყობა და ამ მიზნის მიღწევას არაფორმალური განათლება დიდწილად უწყობს ხელს.
პრობლემის ფორმულირება
მუსიკალურ კლუბს აქვს ელექტრონული პიანინო, კახონი და ფანდური. რაც არ არის საკმარისი მისი ფუნქციონირებისათვის. მოსწავლეებს ჰქონდათ სურვილი კლუბს გიტარის გაკვეთილები ჩაეტარებინა, რაც ინსტრუმენტების უქონლობის გამო ვერ განხორციელდა. სკოლას არ აღმოაჩნდა შესაბამისი სახსრები გიტარების შესაძენად.
პროექტის რესურსები და ბიუჯეტი
• გიტარა 3
• შალითა 3
განახლებები & სპონსორები