სოფიკო თავართქილაძე
ინგლისური ენის მასწავლებელი
ქალაქ წალკის №2 საჯარო სკოლა
მე სოფიკო თავართქილაძე დავიბადე 1994 წლის 28 თებერვალს, ხულოს რაიონ სოფელ ძირკვაძეებში. სწავლა დავამთავრე წალკის რაიონის N2 საჯარო სკოლაში და დღემდე ვცხოვრობ წალკის რაიონში. 2012-2016 წლებში ვსწავლობდი საქართველოს დავით აღმაშენებლის სახელმწიფო უნივერსიტეტში ინგლისური ფილოლოგიის ფაკულტეტზე. 2019-2020 წლებში ვსწავლობდი სამცხე ჯავახეთის სახელმწიფო უნივერსიტეტში მასწავლებლის მოსამზადებელ პროგრამაზე. 2016 წლის ოქტომბრიდან დღემდე ვმუშაობ წალკის No2 საჯარო სკოლაში - ინგლისური ენის მასწავლებლის პოზიციაზე. მყავს მეუღლე და ერთი შვილი. შესაბამისად ვცდილობ ვიყო სამაგალითო დედა, მეუღლე, მასწავლებელი და უბრალოდ მოქალაქე.
ამ პროექტით ისარგებლებს 35 მოსწავლე
შესაგროვებელი
965 ₾
შეგროვდა
965 ₾
პროექტის შესახებ
განახლებები & სპონსორები
პროექტის შესახებ
პროექტის მიზანი
მსურს, ჩემი მოსწავლეებისთვის შევცვალო ყოველდღიურობა, შევმატო მათ ცხოვრებას ნათელი ფერები და
უბრალოდ მივცე გზა უკეთესი მომავლისკენ. ყოველივე ამის მიღწევა კი შესაძლებელია მათთვის მცირე
სამკითხველოს მოწყობით. საგანმანათლებლო სფეროში თითქმის ექვს წლიანმა გამოცდილებამ მაჩვენა, რომ მოსწავლეებს სჭირდებათ სივრცე, სადაც ხალისს იგრძნობენ და მუდმივად ექნებათ კავშირი წიგნებთან. მოცემული პროექტი კი დადებითად აისახება ამ სოფლის მომავალზე, რადგან სწორედ სოფლის ბავშვებმა უნდა ისარგებლონ მოცემული რესურსებით და მათ უნდა შექმნან სოფლის ისტორიაც.
პროექტის აღწერა
სამწუხაროდ, ბევრი სკოლა მცირე რესურსის გამო ვერ ახერხებს მოსწავლეთა დაინტერესებას, რომლებიც გაკვეთილების დამთავრებისთანავე სახლებისკენ მიეშურებიან. შესაბამისად, სკოლის იქით მათთვის სოციალური სამყარო მთავრდება. ჩემი თვალთახედვით, ყველა სკოლას უნდა ჰქონდეს სივრცე, სადაც მოსწავლეები ერთად წაიკითხავენ და იმსჯელებენ წიგნებზე, ასევე უყურებენ და გაარჩევენ დოკუმენტურ ფილმებს.
პრობლემის ფორმულირება
წალკის რაიონის სოფელ ტბეთის საჯარო სკოლით სარგებლობს მხოლოდ 35 მოსწავლე, რადგანაც აქ მხოლოდ ექვს კლასამდე აქვთ მოსწავლეებს სწავლის საშუალება. სკოლის ფუნქციონირების განმავლობაში მოსწავლეებს არ ჰქონიათ საშუალება ჰქონოდათ ბიბლიოთეკა ან სამკითხველო სივრცე, სადაც თავისუფალ დროს შეძლებდნენ შეკრებას და ლიტერატურის განხილვას. აღნიშნული პროექტი შეცვლის ტბეთის მოსწავლეების სასკოლო ცხოვრებას – მათ შეეძლებათ ისარგებლონ ფერადი სივრცით, სადაც დასხდებიან და ისაუბრებენ მათ თემზე, ინტერესებზე და მიზნებზე. მათ მიეცემათ შანსი სასკოლო საგნების გარდა, წაიკითხონ სხვადასხვა ლიტერატურა, რა თქმა უნდა, მათ ასაკზე მორგებული წიგნები და ასე გაიფართოვონ წარმატებისკენ მიმავალი გზა. შეიძლება ითქვას რომ მოცემული სივრცე გახდება სკოლის სავიზიტო ბარათი და მოიტანს სარგებელს იმ კუთხითაც, რომ ტბეთის მოსახლეობა აღარ იფიქრებს შვილების სხვაგან გადაყვანაზე და ამით სკოლა უპრობლემოდ გააგრძელებს ფუნქციონირებას და ვინ იცის, იქნება საშუალო სკოლადაც ჩამოვყალიბდეთ.
პროექტის რესურსები და ბიუჯეტი
• მხატვრული ლიტერატურა 64 წიგნი 594.7 ლარი
• პუფი 5 ცალი 250 ლარი
• დაფა 1 ცალი 120 ლარი
განახლებები & სპონსორები
-
25-07-2022
პროექტის დაფინანსება დაიწყო!
-
14-09-2022
პროექტი სრულად დაფინანსდა.
მიმდინარეობს მოთხოვნილი რესურსების შესყიდვა. -
26-09-2022
სკოლას გადაეცა სასწავლო რესურსები.
| სახელი | დონაცია | თარიღი |
|---|---|---|
| მარიამ ჩაჩანიძე | 55 ₾ | 14/09/2022 17:11 |
| ანონიმური | 20 ₾ | 14/09/2022 17:08 |
| თემური სუყაშვილი | 10 ₾ | 14/09/2022 15:33 |
| ლენა ქამადაძე | 100 ₾ | 14/09/2022 15:27 |
| რამაზი ვანაძე | 10 ₾ | 14/09/2022 13:43 |
| თეიმურაზ აბულაძე | 20 ₾ | 14/09/2022 11:41 |
| ჯული გიორგაძე | 100 ₾ | 14/09/2022 11:34 |
| ანონიმური | 50 ₾ | 07/09/2022 11:25 |
| ანონიმური | 40 ₾ | 31/08/2022 18:40 |
| ანონიმური | 50 ₾ | 31/08/2022 17:57 |
| ანონიმური | 50 ₾ | 13/08/2022 20:37 |
| დავით კიღურაძე | 30 ₾ | 12/08/2022 15:52 |
| ანონიმური | 100 ₾ | 12/08/2022 09:44 |
| ვერიკო სუჯაშვილი | 50 ₾ | 12/08/2022 08:29 |
| ანა ჭუმბურიძე | 50 ₾ | 11/08/2022 19:09 |
| ნ ბ | 20 ₾ | 11/08/2022 18:18 |
| თინათინ ცომაია | 50 ₾ | 11/08/2022 18:16 |
| ანონიმური | 100 ₾ | 11/08/2022 14:15 |
| ნინო ბახტაძე | 10 ₾ | 11/08/2022 13:38 |
| ოთარ ჩაჩანიძე | 30 ₾ | 04/08/2022 13:47 |
| ანონიმური | 20 ₾ | 29/07/2022 11:00 |