ციცინო გობაძე
ქართული ენისა და ლიტერატურის მასწავლებელი
წალკის მუნიციპალიტეტის სოფელ გუმბათის საჯარო სკოლა
ციცინო გობაძე 19 წლის იყო, როდესაც 1990 წელს, მარნეულის რაიონის, შულავრის ახალგახსნილ ქართულ საშუალო სკოლაში მასწავლებლად დაიწყო მუშაობა. შემდეგ მუშაობდა ხულოს რაიონის, სოფელ დიოკნისის საჯარო სკოლაში, დაწყებითი კლასების პედაგოგად, ხოლო 2002 წლიდან, წალკის მუნიციპალიტეტის, სოფელ გუმბათის საჯარო სკოლის ქართული ენისა და ლიტერატურის მასწავლებელია. 2010 წელს გახდა უფროსი მასწავლებელი, 2011 წელს მიიღო საუკეთესო მასწავლებლის სერტიფიკატი. 2019 წლიდან წამყვანი მასწავლებელია.
ამ პროექტით ისარგებლებს 80 მოსწავლე
შესაგროვებელი
835 ₾
შეგროვდა
835 ₾
პროექტის შესახებ
განახლებები & სპონსორები
პროექტის შესახებ
პროექტის მიზანი
წიგნიერების დონის გაზრდა სოფელ გუმბათის საჯარო სკოლაში.
პროექტის აღწერა
სწავლა-სწავლების პროცესის გაუმჯობესებისთვის მნიშვნელოვანია მოსწავლეებს დამატებითი აქტივობები შევთავაზოთ. ჩვენმა სკოლამ მოიპოვა გრანტი, რითაც ვგეგმავთ თავისუფალი სივრცის გაკეთებას სკოლაში. ეს ოთახი იქნება შეხვედრებისთვის. შევიძინეთ წიგნის კარადებიც პროექტის ფარგლებში, თუმცა სკოლაში 50-მდე წიგნი გვაქვს. თქვენი მხარდაჭერით შევძლებთ ახალი, თანამედროვე, საინტერესო მხატვრული ლიტერატურის შეძენას. შემდეგ კი ჩამოვაყალიბებთ მკითხველთა კლუბს და მოვაწყობთ წაკითხული წიგნების განხილვებს.
პრობლემის ფორმულირება
წალკის მუნიციპალიტეტის სოფელ გუმბათის საჯარო სკოლაში არ გვაქვს ბიბლიოთეკა, წიგნები მხოლოდ 50-მდე თუ არის, ძირითადად დამხმარე სახელმძღვანელოები. არ გვაქვს მხატვრული ლიტერატურა. ჩვენ გვსურს სოფელ გუმბათის საჯარო სკოლაში გაჩნდეს სამკითხველო სივრცე და ბევრი მკითხველი გვყავდეს.
პროექტის რესურსები და ბიუჯეტი
• წიგნები
განახლებები & სპონსორები