განმავითარებელი თამაშები სოფელ კოხტის სკოლისთვის

პრაქტიკაში გვაქვს შემთხვევები, როცა სსსმ მოსწავლე გარბის საგაკვეთილო პროცესიდან, რამაც გადამაწყვეტინა დამეწერა ეს პროექტი, მინდა ჩემს მოსწავლეებს და მასწავლებლებს გაუმრავალფეროვანო სასწავლო პროცესი. ამ ეტაპზე რესურსების ნაკლებობის გამო, მოსწავლეებს ვერ ვთავაზობთ მრავალფეროვან აქტივობებს, რაც არ გვაძლევს საშუალებას სსსმ მოსწავლეები დაეუფლონ აკადემიურ ან კოგნიტურ უნარებს. საგაკვეთილო პროცესი და რესურს ოთახის აქტივობები უფრო მრავალფეროვანი რომ გავხადოთ, ასევე გვესაჭიროება განმავითარებელი თამაშები. აღნიშნული თამაშებით სსსმ მოსწავლე აქტიურად იქნება ინტეგრირებული თანატოლებთან, სამაგიდო თამაშების მეშვეობით ბავშვებს ექნებათ შესაძლებლობა ინდივიდუალურად, წყვილში, მცირე და მთლიან ჯგუფებში შეასრულონ როლური, წარმოსახვითი, ფუნქციური, კონსტრუქციული აქტივობები და გაიმდიდრონ სიტყვათა მარაგი, საჭიროების შემთხვევაში, შეძლონ დამოკიდებულებებისა და ქცევის კორექცია. სწავლა – სწავლების პროცესი მაშინ ხდება განსაკუთრებით საინტერესო და შემოქმედებითი, როდესაც მოსწავლე განსაკუთრებით კი სსსმ მოსწავლეები ხალისით თამაშების გზით ერთვებიან სასწავლო პროცესში. შესაბამისად, ამ რესურსების მეშვეობით მასწავლებლებს ექმნებათ საშუალება ყოველდღიური პრაქტიკა შექმნან ახალი ცოდნის შეძენით, გამოცდილების დაგროვებითა და ინოვაციური სწავლების სტრატეგიების დაგეგმვით, შედეგად კი, სპეციალური საგანმანათლებლო საჭიროების მქონე მოსწავლეებთან წარმატებას მიაღწიონ. სერვისის მიწოდება განხორციელდება, როგორც სპეციალური მასწავლებლის მიერ ასევე სპორტისა და სხვა საგნის მასწავლებლის მიერ. მე როგორც სპეციალურ პედაგოგს ვალდებულება მაქვს ვიზრუნო სსსმ მოსწავლეების საუკეთესო ინტერესების დაკმაყოფილებაზე. ვიმედოვნებ, თქვენი კოკნკურსის მეშვეობით საშუალება მომეცემა გავამრავალეფეროვანო ჩემი სამუშაო პროცესი და დავძლიო ინდივიდუალური სასწავლო გეგმით გათვალისწინებული სსსმ მოსწავლეების მიზნები, რაც იქნება საწყისი შემდგომში მათი რთული ქცევების პრევენციისთვის.