გეოგრაფიის სწავლება ლაფანაანთკარის სკოლაში

გეოგრაფია, როგორც საბუნებისმეტყველო-საზოგადოებრივი საგანი, უძველესი დროიდან დღემდე წარმოადგენს მნიშვნელოვან დისციპლინას, რადგანაც მის თვალსაწიერში ხვდება პროცესები გლობალურ თუ რეგიონალურ დონეზე. გეოგრაფიული ცოდნა სხვა დისციპლინებთან შედარებით მუდმივად განახლებადია, შესაბამისად იცვლება მეთოდები, წიგნები, ლიტერატურა, რუკები, ატლასები, და ა.შ. ციფრული ტექნოლოგიების დანერგვა კიდევ უფრო საინტერესოს და ეფექტურს ხდის გაკვეთილს, თუმცა სკოლაში მხოლოდ ერთი (ძველიმოდელის) კინოპროექტორია… მიღწევებიც გვაქვს კონკურსებსა და ოლიმპიადებში. ხანდახან ზოგიერთი ხელსაწყო იატაკზე დაგვიხატავს, იმისთვის რომ ახსნილი საკითხის პრაქტიკული მნიშვნელობა დაენახათ. მარტივი კომპასიც შეგვიქმნია, სკოლის და სოფლის ტოპოგრაფიული რუკაც, თუმცა ოცდამეერთე საუკუნეში ეს ძალზედ მცირედია. აღნიშნული პროექტის განხორციელებით, თუ ჩვენ საკლასო სივრცში გვექნება თანამედროვე მოთხოვნების შესაბამისი აღჭურვა, ამაღლდება ცოდნის ხარისხი. აგრეთვე მოვიწვევთ მეზობელი სოფლის სკოლებიდან (ბულაჩაური, აბანოსხევი, ჭოპორტი) გეოგრაფის მასწავლებლებს მოსწავლეებთან ერთად და დავიწყებთ პრაქტიკულ საქმიანობას/კეთებით სწავლებას.