ბელა ქემოკლიძე
ქართული ენისა და ლიტერატურის მასწავლებელი
ჩოხატაურის მუნიციპალიტეტის სოფელ კოხნარის საჯარო სკოლა
2000 წელს დავამთავრე თბილისის ი. ჯავახიშვილის სახელობის სახელმწიფო უნივერსიტეტი, ქართული ფილოლოგიის სპეციალობით. 2006 წლიდან ვასწავლი კოხნარის საჯარო სკოლაში ქართულ ენასა და ლიტერატურას. 2011 წლიდან ვარ სერთიფიცირებული (უფროსი) მასწავლებელი, 2018 წლიდან კი - წამყვანი მასწავლებელი.
ამ პროექტით ისარგებლებს 96 მოსწავლე
შესაგროვებელი
970 ₾
შეგროვდა
970 ₾
პროექტის შესახებ
განახლებები & სპონსორები
პროექტის შესახებ
პროექტის მიზანი
წიგნიერების დონის ამაღლებით შემოქმედებითი და კრიტიკული აზროვნების უნარების გაუმჯობესება მოსწავლეებში; თავისუფალი დროის სწორად ორგანიზება.
პროექტის აღწერა
XXI საუკუნის ეპოქაში მასწავლებლის მთავარ დანიშნულებას წარმოადგენს მოაზროვნე ახალგაზრდების აღზრდა – მოსწავლეების შემოქმედებითად, კრიტიკულად მოაზროვნე ადამიანებად ჩამოყალიბება. ამ მისიის აღსრულებაში წიგნს და კითხვას უდიდესი დანიშნულება აქვს. სწორედ ამ კუთხით მუშაობენ კოხნარის სკოლის მასწავლებლები. წლების განმავლობაში სკოლას არ ჰქონდა არათუ ბიბლიოთეკა, არამედ ადგილიც, სივრცე, სადაც მოსწავლეების თავშეყრა მოხერხდებოდა, ჩატარდებოდა ლიტერატურული თუ შემეცნებითი ღონისძიებები. სხვადასხვა პროექტების დახმარებით პედაგოგებმა დირექციასთან ერთად შევძელით სკოლაში გაგვეხსნა ბიბლიოთეკა, შევიძინეთ წიგნები და რაც მთავარია, ეს არის ადგილი, სადაც მოსწავლეები დროის უმეტეს ნაწილს ატარებენ. ამჟამად ბიბლიოთეკაში 200-მდე წიგნია დაცული. თქვენი მხარდაჭერით შევძლებთ ჩვენი ბიბლიოთეკა გავხადოთ უფრო მრავალფეროვანი. ისეთი ლიტერატურით შევსებული, რომელიც მოსწავლეების ცნობიერების გამდიდრებას, შემოქმედებითი და კრიტიკული უნარების განვითარებას შეუწყობს ხელს.
პრობლემის ფორმულირება
ჩოხატაურის მუნიციპალიტეტის სოფელ კოხნარის საჯარო სკოლის ბიბლიოთეკის წიგნადი ფონდი შეივსოს მხატვრული, კლასიკური, შემეცნებითი ლიტერატურით, რომელიც ხელს შეუწყობს მოსწავლეებს 21-ე საუკუნის უნარ-ჩვევების ჩამოყალიბებასა და განვითარებაში. მოსწავლეების უმეტესობას უკვე დამუშავებული აქვს ის ლიტერატურა, რომელიც ინახება ჩვენს ბიბლიოთეკაში. საჭიროა ახალი ლიტერატურა, რათა საყვარელი სივრცე ახალგაზრდებისათვის მოსაწყენად არ იქცეს. მიზნისთვის (მოსწავლეებს თავისუფალი დრო გაეტარებინათ სწორად, მიეღოთ კითხვისგან სიამოვნება და ჩამოყალიბებულიყვნენ კარგ მკითხველებად) წლების მანძილზე ვიღწვოდით პედაგოგები და მივაღწიეთ კიდეც. არ გვინდა, რომ გავჩერდეთ. გვსურს, რომ ბიბლიოთეკას ჰქონდეს რაც შეიძლება მეტი სხვადასხვა დასახელების კარგი წიგნი, რათა მოსწავლეებს არ გაუნელდეთ კითხვის სიყვარული (მით უმეტეს ამ ტელეფონდამოკიდებულ ეპოქაში). თქვენი დახმარებით შევძლებთ ჩვენი ბიბლიოთეკის შევსებას საინტერესო წიგნებით. შემდეგ კი განვახორციელებთ სხვადასხვა აქტივობას: მოეწყობა წაკითხული წიგნების განხილვა; წაკითხული წიგნების მიხედვით ჩავატარებთ ვიქტორინას; მოეწყობა ლიტერატურული საღამოები და ა.შ.
პროექტის რესურსები და ბიუჯეტი
მხატვრული ლიტერატურა
განახლებები & სპონსორები
-
31-03-2023
სკოლას გადაეცა სასწავლო რესურსები.
პროექტი დაფინანსებულია ვაკე პლაზას მხარდაჭერით.
| სახელი | დონაცია | თარიღი |
|---|---|---|
| ანონიმური | 970 ₾ | 08/04/2023 08:45 |