ნინელი ცერცვაძე
მათემატიკის მასწავლებელი
საჩხერის მუნიციპალიტეტი სოფელ კორბოულის სისვაძეების უბნის საჯარო სკოლა
დავამთავრე ივანე ჯავახიშვილის უნივერსიტეტის მექანიკა-მათემატიკის ფაკულტეტი. 1985 წლიდან დღემდე ვმუშაობ სისვაძეების საჯარო სკოლაში მათემატიკის მასწავლებლად. სოფელი არის მაღალმთიან ზონაში. 2012-2013 წლებში ჩავაბარე სასერთიფიკატო გამოცდები (I-XII მათემატიკა), ხოლო 2020 წელს მომენიჭა წამყვანი მასწავლებლის სტატუსი.
ამ პროექტით ისარგებლებს 59 მოსწავლე
შესაგროვებელი
900 ₾
შეგროვდა
900 ₾
პროექტის შესახებ
განახლებები & სპონსორები
პროექტის შესახებ
პროექტის მიზანი
მოსწავლეები შეძლებენ ელექტრონული რესურსების გამოყენებას და საკუთარი ნაშრომების გაზიარებას. ამაღლდება მათემატიკის სწავლისადმი ინტერესი და მოტივაცია. გაუმჯობესდება მათემატიკის შესწავლის დონე. გაიაზრებენ და კრიტიკულად შეაფასებენ სხვადასხვა საკითხებს. მოსწავლეებს განუვითარდებათ დაკვირვების, მსჯელობის, პრობლემის იდენტიფიცირების, დასკვნების გამოტანისა და ურთიერთთანამშრომლობის უნარები.
პროექტის აღწერა
ახალი ეროვნული სასწავლო გეგმის მოთხოვნების შესაბამისად, მათემატიკის სწავლება ბევრ გამოწვევასთან არის დაკავშირებული. პირველ რიგში საჭიროა მრავალი ვიზუალური ელექტრონული რესურსის გამოყენება, რომ მოსწავლეები დავაინტერესოთ და მათთვის უფრო აღქმადი გავხადოთ შესასწავლი თემა. Geogebra და Desmos პროგრამების გამოყენება სწავლებაში, მოსწავლეებს საშუალებას აძლევს მოკლე დროში ააგონ ფუნქციათა გრაფიკები და დააკვირდნენ მათ გარდაქმნებს. შეისწავლონ ბრტყელი და სივრცული ფიგურების შლილები და მათი თვისებები. მიუხედავად იმისა რომ ვიყენებ პირად კომპიუტერს აღნიშნული პროგრამებით ნახაზებისა და გეომეტრიული ფიგურების ასაგებად, მათემატიკური საკითხების ინტერაქტიულად ასახსნელად ეს მაინც არ არის საკმარისი. პროექტორის დახმარებით მოსწავლეები მოახდენენ საკუთარი ნაშრომებისა და პრეზენტაციების დემონსტრირებას. მოისმენენ სკოლის ვიდეო გაკვეთილებს, ყურადღებას გაამახვილებენ მნიშვნელოვან საკითხებზე და იმუშავებენ საკითხის შესაბამის სიმულაციებზე.
პრობლემის ფორმულირება
მათემატიკის უკეთ გააზრებისთვის გვესაჭიროება პროექტორი, რაც მოსწავლეებს ამ საგნის მიმართ ინტერესს გაუღვივებს.
პროექტის რესურსები და ბიუჯეტი
1 ცალი პროექტორი.
განახლებები & სპონსორები
-
24-05-2023
სკოლას გადაეცა სასწავლო რესურსები.
პროექტი დაფინანსებულია ვაკე პლაზას მხარდაჭერით.
| სახელი | დონაცია | თარიღი |
|---|---|---|
| ანონიმური | 900 ₾ | 29/05/2023 13:59 |